Канікулы з карысцю!
25.07.202423 ліпеня Тэрытарыяльны цэнтр сацыяльнага абслугоўвання Аршанскага раёна расчыніў свае дзверы для школьнікаў, якія хочуць працаваць і праводзіць канікулы з карысцю! 9 актыўных дзяцей, у рамках часовай працоўнай занятасці моладзі, сталі работнікамі тэрытарыяльнага цэнтра.
Наведвальнікі аддзялення сацыяльнай рэабілітацыі, абілітацыі інвалідаў з вялікім задавальненнем сустрэлі новых сяброў!
А навучэнцы ўстаноў адукацыі будуць не проста працаваць па спецыяльнасці "Вытворца мастацкіх вырабаў", але і атрымаюць вялікі вопыт у галіне розных відаў камунікацый, акажуць сацыяльную падтрымку наведвальнікам аддзялення, для якіх такое ўзаемадзеянне - гэта новыя знаёмствы, інклюзіўныя зносіны і ўзаемадапамога!
Дзякуючы сумеснай працы школьнікаў і маладых людзей з інваліднасцю сцены аддзялення ўпрыгожаць прыгожыя работы з алмазнай мазаікі.
