100-годдзе Аршанскага раёна!
29.07.2024Наведвальнікі аддзялення дзённага знаходжання для грамадзян пажылога ўзросту пабывалі на святочным канцэрце, прымеркаваным да 100-гадовага юбілею нашай малой Радзімы. У пачатку канцэрта гледачам распавялі пра шлях станаўлення і развіцця рэгіёну. Як на Аршанскай зямлі з'явіўся першынец беларускай энергетыкі Беларуская ГРЭС, будаваўся льнокамбінат. Асаблівае месца ў гісторыі рэгіёна займае перыяд Вялікай Айчыннай вайны, калі аршанцы, не шкадуючы сябе, змагаліся з нямецка-фашысцкімі акупантамі, а потым таксама гераічна аднаўлялі горад з руін. Успомнілі, вядома ж, і пра людзей, якія сваімі дасягненнямі, навуковымі і мастацкімі работамі праславілі Аршанскі край. Такія мерапрыемствы спрыяюць падтрыманню сацыяльнай актыўнасці пажылых грамадзян, дапамагаюць не проста адпачыць, але і знайсці новых сяброў.
