«Тэрытарыяльны цэнтр сацыяльнага абслугоўвання насельніцтва Аршанскага раёна»

Сустрэча ганаровых гасцей у Дзень народнага адзінства!

18.09.2024

17 верасня, у Дзень народнага адзінства, які падкрэслівае самадастатковасць нацый, павагу да дзяржаўнасці ва ўсім свеце, у рамках рэалізацыі сумеснага праекта "Інклюзіўная ганчарная студыя" аддзяленне сацыяльнай рэабілітацыі, абілітацыі інвалідаў тэрытарыяльнага цэнтра наведалі часова павераны ў справах Славацкай Рэспублікі ў Рэспубліцы Беларусь Катарына Жакава і трэці сакратар Пасольства Славацкай Рэспублікі ў Мінску Петэр Томашак.

Ганаровых гасцей прывітальным словам сустрэў першы намеснік старшыні Аршанскага раённага выканаўчага камітэта Сяргей Мікалаевіч Пац.

Актыўныя наведвальнікі аддзялення і ўдзельнікі ўзорнага ансамбля танца візаві падарылі ўсім удзельнікам музычны падарунак.

У ходзе экскурсіі ганаровыя госці пазнаёміліся з напрамкамі работы аддзялення, пагутарылі з людзьмі з інваліднасцю, асаблівую ўвагу надалі інклюзіўнай ганчарнай студыі, якая функцыянуе з 2024 года дзякуючы падтрымцы Пасольства Славацкай Рэспублікі ў Мінску.

У інклюзіўнай ганчарнай студыі маладыя людзі з інваліднасцю сумесна з навучэнцамі ДУА "Сярэдняя школа 20 г. Оршы ім. І.А. Флёрава" пад кіраўніцтвам майстроў ДУК "Цэнтр народнай творчасці і рамёстваў г.п. Копысь Аршанскага раёна" стваралі вырабы з гліны, з якімі з радасцю знаёмілі ўдзельнікаў свята.

Сустрэча прайшла ў цёплай і сяброўскай атмасферы.

Затым для ганаровых гасцей была арганізавана экскурсія па нашым найпрыгажэйшым горадзе.