«Тэрытарыяльны цэнтр сацыяльнага абслугоўвання насельніцтва Аршанскага раёна»

Рабочая сустрэча прадстаўнікоў Дзіцячага фонду арганізацыі аб'яднаных нацый ЮНІСЕФ, прадстаўнікоў ААТ "Прыёрбанка" з бацькамі-удзельнікамі праекта ў аддзяленні тэрытарыяльнага цэнтра

17.10.2024

У рамках работы па захаванні і ўмацаванні гуманітарнага супрацоўніцтва тэрытарыяльны цэнтр пастаянна ўзаемадзейнічае з партнёрамі па прыцягненні замежнай бязвыплатнай дапамогі і ўмацаванні дзелавых сувязяў.

Так, 16 кастрычніка Аршанскі раён з рабочай паездкай наведалі прадстаўнікі Дзіцячага фонду арганізацыі аб'яднаных нацый ЮНІСЕФ Анастасія Волкава, Святлана Сушкевіч і прадстаўнікі ААТ "Прыёрбанка".

Мэта візіту - падвядзенне вынікаў першага года праекта "Сям'я кожнаму дзіцяці ў Віцебскай вобласці" і распрацоўка мерапрыемстваў праекта ў далейшым.

На базе аддзялення сацыяльнай рэабілітацыі, абілітацыі інвалідаў тэрытарыяльнага цэнтра была арганізавана сустрэча з актыўнымі ўдзельнікамі праекта - бацькамі, якія выхоўваюць дзяцей з інваліднасцю. А таксама для гасцей была праведзена экскурсія па аддзяленні, дзе іх пазнаёмілі з усімі відамі дзейнасці аддзялення, паказалі работу гурткоў, клубаў і майстэрняў для людзей з інваліднасцю. Госці былі ўражаныя работай швейнай і ганчарнай майстэрні, дзе ім уручылі памятныя сувеніры. А пасля экскурсіі ў інклюзіўнай кавярні "Добрая кава" для гасцей і актыўных бацькоў - каардынатар праекта ад сацыяльнай абароны - Ірына Кулік прэзентавала вынікі першага года праекта і агучыла планы на другі год.

Бацькі таксама ўключыліся ў гутарку з гасцямі і падзякавалі за магчымасць удзельнічаць у мерапрыемствах праекта, а таксама выказалі свае пажаданні і патрэбы. Афіцыйная частка плаўна перайшла ў чаяванне з далейшым абмеркаваннем тэмы сустрэчы.

Станоўчы вынік магчымы толькі тады, калі ўсе ўдзельнікі сустрэчы накіраваны на падтрыманне і ўмацаванне партнёрскіх адносін, што і было дасягнута на сённяшняй сустрэчы.