«Тэрытарыяльны цэнтр сацыяльнага абслугоўвання насельніцтва Аршанскага раёна»

Ад усёй душы ад вайскоўцаў

31.12.2024

Сёння маладыя хлопцы асобнага стралковага батальёна пад кіраўніцтвам намесніка камандзіра першага асобнага стралковага батальёна па ідэалагічнай рабоце Клімянковым С.М. сумесна з супрацоўнікамі тэрытарыяльнага цэнтра Аршанскага раёна павіншавалі з надыходзячымі навагоднімі святамі адзінокіх пажылых грамадзян і інвалідаў Аршаншчыны.

Пачалі свае віншаванні з пражываючых аддзялення кругласутачнага знаходжання для пажылых грамадзян і інвалідаў, дзе кожны дзядуля і бабуля атрымаў не толькі салодкі навагодні падарунак, карысныя ў побыце рэчы, але і так патрэбныя кожнаму чалавеку ўвагу, клопат, падтрымку і цэлую чараду добрых слоў і пажаданняў: моцнага здароўя, шчасця і радасці.

А ў працяг намеснік камандзіра першага асобнага стралковага батальёна па ідэалагічнай рабоце Клімянкоў С.М.разам з загадчыкам аддзялення тэрытарыяльнага цэнтра Камароўскай Н.Ю. адправіліся на дом да адзінокіх пажылым грамадзянам і інвалідам, дзе кожнаму ўручылі салодкія падарункі і пажадалі ўсім моцнага здароўя і доўгіх гадоў жыцця.

З 26 снежня 2024 года па 15 студзеня 2025 года на ўсёй тэрыторыі Рэспублікі Беларусь праходзіць навагодняя акцыя для пажылых грамадзян і доўгажыхароў "Ад усёй душы". Мэта якой праява клопату і ўвагі аб старэйшым пакаленні, уцягванне моладзі ў пытанні аказання дапамогі і падтрымкі пажылым людзям.

У перыяд навагодніх і калядных святаў важна надаць як мага больш увагі пажылым людзям, інвалідам, якія ў сілу розных жыццёвых абставінаў засталіся адны.

Запрашаем усіх добрых і спагадлівых людзей стаць удзельнікамі дабрачыннай акцыі "Ад усёй душы" і напярэдадні чароўных святаў падарыць чараўніцтва адзінокім людзям!