«Тэрытарыяльны цэнтр сацыяльнага абслугоўвання насельніцтва Аршанскага раёна»

З песняй і танцамі пад акном павіншавалі сёння ветэранаў Вялікай Айчыннай вайны Аршаншчыны

06.05.2025

9 Мая - адно з самых шануемых святаў у нашай краіне. І ў гэтыя майскія дні мы з асаблівым пачуццём перажываем падзеі ваенных гадоў, смуткуем па загінуўшых і ўшаноўваем нашых ветэранаў-пераможцаў. Сёння, напярэдадні Дня Вялікай Перамогі супрацоўнікі тэрытарыяльнага цэнтра Аршанскага раёна арганізавалі незвычайнае віншаванне для ветэранаў Аршанскага раёна. Актыўныя і таленавітыя хлопцы з арт-студыі "Натхненне" ў рамках акцыі "Песня пад акном для ветэрана" прама ля пад'езда і ў двары дамоў парадавалі ветэранаў Аршаншчыны сваімі творчымі нумарамі. Іх відовішчнае выступленне маглі бачыць і мінакі, і жыхары суседніх кватэр і дамоў. З добрымі пажаданнямі ў гэтай акцыі прынялі ўдзел:

• старшыня Аршанскага райвыканкама - Мароз I. А.;
• начальнік упраўлення па працы, занятасці і сацыяльнай абароне - Захарава Т. А.;
• ваенны камісар Аршанскага і Дубровенскага раёна - Марчанка А. А.;
• кіраўнік прэс-службы ТАА "Еўрагандаль" - Хрусталёў Е.В.;
• прадстаўнік ААТ "ААБ Беларусбанк" - Дзерваед Е. Е.;
• старшыня аршанскай раённай арганізацыі грамадскага аб'яднання Савета ветэранаў - Хайчанка З. С.;
• намеснік начальніка "Белпошта" - Мурадава Н. У.
• дырэктар тэрытарыяльнага цэнтра Муранкова К.В.

Вялікая слава і пашана вам, дарагія ветэраны!

У якасці знака павагі і прызнання ўсім ветэранам уручаны памятныя падарункі, кветкі, медалі, а таксама ўрачыста ўручана выплата да Дня Перамогі.

Ведайце, ваша праца не забытая і што нягледзячы на мінулыя дзесяцігоддзі, памяць аб Вялікай Айчыннай вайне жывая ў Беларусі, вернасць ёй захоўваюць у кожным беларускім доме, яна аб'ядноўвае пакаленні і натхняе на добрыя справы!