У працяг акцыі "Песня пад акном у ветэрана" 6 мая творчы падарунак ад арт-студыi "Натхненне" атрымаў ветэран Вялікай Айчыннай вайны Сінькевіч Зінаіда Іларыёнаўна
07.05.2025У дадзенай акцыі прынялі ўдзел намеснік старшыні Аршанскага райвыканкама Пракоф'ева Анастасія Адамаўна, супрацоўнікі тэрытарыяльнага цэнтра Аршанскага раёна. Ветэрану ўручаны памятныя падарункі, юбілейны медаль, а таксама прадуктовы набор ад ТАА "Еўрагандаль".
Таксама творчы падарунак ад арт-студыі атрымала непаўнагадовая вязніца фашысцкіх канцлагераў Карначова Еўдакія Якаўлеўна. Еўдакія Якаўлеўна нягледзячы на шаноўны ўзрост - 101 год, з цеплынёй і гонарам назірала за выступам рабят. Кожны момант гэтага свята быў прасякнуты глыбокай павагай і ўдзячнасцю да тых, хто абараняў нашу краіну ў тыя цяжкія часы.
Ветэраны слухалі песні і глядзелі на дзяцей з гонарам і радасцю ў вачах. Акцыя "Песня пад акном у ветэрана" стала сімвалам таго, што памяць пра подзвіг не забытая і што вялікая перамога заўсёды будзе жыць у сэрцах людзей.
