«Тэрытарыяльны цэнтр сацыяльнага абслугоўвання насельніцтва Аршанскага раёна»

Валерыі Іосіфаўне Мартыненка – 95!

06.06.2025

Усё далей і далей выносіць нас час ад абпальваючых падзей Вялікай Айчыннай вайны. Сёлета споўнілася 80 гадоў, як скончылася вайна і ў беларускія дамы вярнуліся мір і дабрабыт. Ацаніць гэты велічны дар гераічнага пакалення нам, іх нашчадкам, дапамагаюць дакладныя гістарычныя звесткі, якія захоўваюць нашы музеі, шматлікія кнігі і іншыя крыніцы. Але самымі каштоўнымі для нас былі і застаюцца ўспаміны сведак вогненных гадоў вайны, тых, хто, нягледзячы на перажытую трагедыю, засталіся адданымі Радзіме і ў наступным нямала сіл прыклалі да аднаўлення краіны з разрухі. Гэтыя людзі і сёння працягваюць усяляць у нас аптымізм і ўпэўненасць.

Аднаму са сведкаў падзей Вялікай Айчыннай вайны, ветэрану Валерыі Іосіфаўне Мартыненка сёння споўнілася 95 гадоў. Валерыя Іосіфаўна, як і мільёны жыхароў савецкай краіны, усімі сіламі старалася наблізіць святы дзень Вялікай Перамогі, а пасля Вялікай Айчыннай вайны шмат гадоў добрасумленна працавала ў лакаматыўным дэпо ім. К.С. Заслонава.

Павіншаваць ветэрана з юбілеем прыйшлі старшыня раённага Савета ветэранаў З.С. Хайчанка і прадстаўнікі Аршанскага тэрытарыяльнага цэнтра сацыяльнага абслугоўвання насельніцтва. Разам са словамі падзякі за мірнае неба і цудоўную краіну, якую пабудавалі для нас нашы гераічныя продкі, у адрас юбіляркі прагучалі шчырыя пажаданні даўгалецця, здароўя, дабрабыту. Кветкі і падарункі дапоўнілі ўрачыстую хвіліну віншаванняў.