«Тэрытарыяльны цэнтр сацыяльнага абслугоўвання насельніцтва Аршанскага раёна»

"Мы – каманда!" – спартландыя, якая аб'ядноўвае пакаленні

10.10.2025

8 кастрычніка ў аг. Бабінічы, на базе Бабініцкай сярэдняй школы, адбылася займальная спартландыя "Мы - каманда!" - яркае і добразычлівае свята спорту, руху і адзінства пакаленняў.

Гэта незвычайнае мерапрыемства стала сапраўдным міжпакаленчым спаборніцтвам, якое аб'яднала моладзь і старэйшае пакаленне ў імкненні да здароўя, сяброўства і перамогі.

На старт выйшлі дзве каманды з гаваркімі назвамі - "Энергія+вопыт" і "Запал+мудрасць". У іх назвах адбіліся запал юнацтва і мудрасць сталасці - якасці, якія выдатна дапоўнілі адзін аднаго ў ходзе ўсіх выпрабаванняў.

Удзельнікі праявілі спрыт, кемлівасць і пачуццё гумару. На пляцоўцы панавалі вясёлы смех, азарт і падтрымка балельшчыкаў.

І, як гэта часта бывае ў самых добрых спаборніцтвах, перамагла дружба!

Усе ўдзельнікі былі ўзнагароджаны вітаміннымі фруктовымі букетамі і граматамі - у знак удзячнасці за актыўнасць, згуртаванасць і выдатны настрой.

Няхай энергія, узаемнае разуменне і сяброўства вядуць усіх удзельнікаў да новых дасягненняў і перамог - як у спорце так і ў жыцці!