Навучаемся, каб абараніць! Занятак "Бяспечны дом" прайшоў у нашым цэнтры

12.12.2025

11 снежня ў тэрытарыяльным цэнтры Аршанскага раёна кіпела работа не толькі звычайная, але і вучэбная! Спецыялісты сабраліся на важны трэнінг у рамках праграмы #БезопасныйДом.

Дэвіз дня "Навучыся сам – навучы іншых!". Мы паглыблена разбіралі не проста фармальны пажарны мінімум, а тое, як рэальна папярэдзіць бяду ў дамах нашых пажылых грамадзян і людзей з інваліднасцю.

Абмяркоўвалi:

  • Як заўважыць утоеную небяспеку ў звычайнай кватэры (доме).
  • Што рабіць, калі пажар здарыўся ў чалавека, які не можа хутка выйсці.
  • Як даступна растлумачыць правілы бяспекі і дапамагчы іх укараніць.

Цяпер нашы супрацоўнікі ўзброеныя каштоўнымі ведамі, якія пойдуць далей – да кожнага абслугоўваемага грамадзяніна. Наша агульная мэта – зрабіць жыццё бяспечным і спакайным!

Падпішыцеся на нашы навіны