«Тэрытарыяльны цэнтр сацыяльнага абслугоўвання насельніцтва Аршанскага раёна»

"Тэрыторыя роўных магчымасцяў" - не проста словы, а канкрэтныя крокі! У Оршы адбыўся важны дыялог

18.12.2025

17 снежня ў Оршы прайшоў не проста міжведамасны савет па праблемах людзей з інваліднасцю, а сапраўдная працоўная размова. За адным сталом сабраліся актывісты грамадскіх аб'яднанняў інвалідаў і прадстаўнікі аддзелаў і службаў райвыканкама.

Мэта была выразнай: абмеркаваць не абстрактныя ідэі, а рэальныя штодзённыя цяжкасці, з якімі сутыкаюцца людзі.

Гаварылі пра канкрэтыку:

• Як зрабіць крамы і банкі па-сапраўднаму даступнымі?
• Як забяспечыць кантроль за парковачнымі месцамі для людзей з інваліднасцю?
• Калі ў кінатэатрах з'явяцца сеансы з субтытрамі?
• Дзе і калі панізяць бардзюры для зручнага перамяшчэння?

Добрая навіна! Усе гэтыя пытанні не засталіся проста словамі. Па выніку сустрэчы падрыхтаваны пратакол даручэнняў, а самае галоўнае — іх рашэнне ўзята на асабісты кантроль кіраўніцтва Аршанскага райвыканкама.

Гэты дыялог - важны першы крок. Будзем спадзявацца, што за ім рушаць услед рэальныя і прыкметныя перамены да лепшага!