«Тэрытарыяльны цэнтр сацыяльнага абслугоўвання насельніцтва Аршанскага раёна»

Сапраўдным джэнтльменам - сапраўдныя віншаванні!

25.02.2026

Напярэдадні Дня абаронцы Айчыны ва ўтульнай прасторы кафэ "Добрая кава" прайшла сустрэча клуба "Джэнтльмены". Гасцямі свята сталі самыя актыўныя "сярэбраныя" валанцёры тэрытарыяльнага цэнтра Аршанскага раёна.

З цёплымі словамі падзякі да мужчын звярнулася дырэктар тэрытарыяльнага цэнтра Кацярына Васільеўна Муранкова.

За ўклад у жыццё цэнтра і актыўную пазіцыю абаронцы атрымалі памятныя падарункі.

Як ствараўся настрой:

• Запальныя рытмы ад калектыву "Рытм" і танцораў ГЦК "Арабескі".
• Душэўныя ваенныя песні ад Аляксандра Старавойтава.
• Аўтарскія вершы ад Аляксандра Маёрава.
• Вясёлыя конкурсы на праверку "баявой" формы ад спецыялістаў аддзялення.

Свята атрымалася! А мы нагадваем, што клуб "Джэнтльмены" адкрыты для новых, актыўных і ініцыятыўных мужчын. Далучайцеся да каманды "срэбных" валанцёраў!

Тэлефануйце: 58-79-48